Arktiga Nõvvokogo
Arktiga Nõvvokogo (inglüse keelen Arctic Council) om riikevaihõlinõ nõvvokogo, miä tege kuuntüüd Arktiga piirkunna riike vaihõl ja arotas põlisrahvidõ küsümüisi. Seo om ainukõnõ valitsuisivaihõlinõ Arktiga piirkunna ütistüüfoorum. Nõvvokogo om alostõt 1992. aastagal.
Nõvvokogol om katõsa liigõnd: Kanada, Taani, Soomõ, Island, Norra, Vinnemaa, Roodsi ja Ameeriga Ütisriigiq. Kaejariike om katśtõist: Hiina, Hispaania, Holland, India, Itaalia, Jaapan, Lõunõ-Korea, Poola, Prantsusmaa, S'aksamaa, Singapur ja Suurbritannia. Eesti om pruuvnuq mitu kõrda saiaq kaejariigis, a nõvvokogo olõ-õi tuu osan ütte miilt olnuq. Nõvvokogo riigiq tegeväq kuuntüüd keskkunna hoitmisõn, põlisrahvidõ õiguisi kaitsõn ja tiidüsen.
Säidse riiki lõpõtivaq päält Vinnemaa tävvelist sisseminekit Ukrainahe ammõtlidsõ ütistüü Vinnemaaga.