Tsõõr

Läteq: Wikipedia
Mineq üle: juhtminõ, otsminõ
Vankrõtsõõriq

Tsõõr vai ratas om tsõõrik ja lapik asi, miä või umast keskpaigast läbi pant tele pääl pööreldäq. Tsõõriq ommaq suurõ jao sõidoriisto (nt. autoq, jalgrattaq, vankrõq) all, et nuuq saasiq kergembihe edesi liiku, nink pall'odõ massinidõ sisen, kon nääq määnestki tüüd tegeväq (nt. hammasrattaq, miä kandvaq joudu üle).

Tsõõr om üts kõgõ tähtsämb inemise vällämõtõld asi.

Mõistatuisi tsõõri kotsilõ[toimõndaq]

  • Neli neitsit juuskvaq nurmõ piteh, üts ei saaq ütte, tõinõ ei saaq tõist kätte? (Rattatsõõriq. Vahtsõliina kihlkund, 1902.)
  • Neli veljä kääväq tiid, ütski saa-aiq ütele järgi? (Rattatsõõriq. Setomaa, 1940.)
  • Neli neitsid lääväq üle nurmõ ikkõn? (Vankri. Harglõ kihlkund, 1888.)
  • Neli neitsit lääväq nurmõ müüdä ja laulvaq? (Rattaq. Räpinä kihlkund, 1889.)
  • Neli neitsit lääväq kiitsen ja viitsen üle mäe? (Rattaq. Kanepi kihlkund, 1888.)[1]


Kaeq viil[toimõndaq]

Lätteq[toimõndaq]

  1. Krikmanni Arvo, "Tere teele, tere meele, tere egalõ talolõ". Eesti Kirändüsmuusõum, Tarto 2000, lk. 79-80.