Näüdüse arotus:Eesti liinaq

Mul om joba meelest ärq lännüq, kuis noid Eesti liino nimmi piät kirotama. Jõgeva vai Jõgõva, Kärdla vai Kärdlä? Niisamatõ alõviq, alõvikuq ja küläq? --Valdis 5. hainakuu 2009, kell 17:34 (UTC)

Kunagi sai märgitüs, et liinol ja maakunnõl võisiq iks ollaq võroperäline nimi. Jõgõva um niimuudu sõnaraamatuh kah kiräh, Kärdlät olõ-i taaha trehvänüq. Küläq piäsiq iks originaalnimmiga jäämä, mu meelest sammamuudu ka alõviq ja alõviguq, ku mõnõl õkvalt kimmäst esiqmuudu võrokeelist nimme teedäq olõ-õi.--Võrok 5. hainakuu 2009, kell 21:42 (UTC)

Tei naid liinanimmi võroperätsembäs, võisiq üle kaiaq. Elvä, Keilä ja Kärdlä kõlassõq imelikult, a vast pikäpääle harinõt ärq. Haapsalu ja Tamsalu jätnü maq u-lõpoga. --Valdis 6. hainakuu 2009, kell 07:31 (UTC)

Kuis kihlkundõ nimeq piässi kirotama? --Valdis 6. hainakuu 2009, kell 08:56 (UTC)

Kai liinanimeq üle. Muq meelest um nii hää, Elvä um kah tävveste normaalnõ - harilik tarto keele ä-kuuhkõla, tarto keeleh (Elvä kandi põlitsidõ inemiisi keeleh) õkva nii umgi. Õnnõ kats nimme võisiq võrokeelitsembäq ollaq: Mustvii ja Viländi.

Kihlkunnaq: muq meelest võisiq jäiäq mulgi umaq nii nigu um, inämbüs Tartomaa ummi kah - naidõ kummagiga olõ-i määntsitki häti. Õnnõ Sangastõ ja Otõmpää võisiq peris võro muudu ollaq, selle et nuuq ummaq peris võro keelepiiri pääl ja sääl um mõlõmbah viimätseni aoni kuikivõrd ka õ-harmooniat alalõ püsünüq. Muu Eesti ku keelelidselt põh'aeesti kihlkunnanimeq võinuq jäiäq eesti kiräkeele perrä.--Võrok 6. hainakuu 2009, kell 16:49 (UTC)